Happy New Year 2013

2012 كانت بالنسبة لي سنة التغيير من بدايتها والحمدلله التغييرات نوعاً ما كانت إيجابية.. كان فيها لحظات وايد حلوة مع الناس اللي أحبهم.. الله يحفظهم ويخليهم لي انشالله 

الأشياء الإيجابية:

1. ترقيات وظيفية

2. اختفاء المخلوقات الغريبة من حياتي

3. الهدووووء المميت بلش يقل من شخصيتي لول

4. تعرفت على ناس يدد حبيت التعامل معاهم

الأشياء السلبية:

1. كانت شوي سنة حزينة أو فيها مواقف ضايقتني 

2. مر علي وايد فترات مضغوطة شغل :S

3. وقفت شي على حساب شي :S

4. وايد كنت أعصب بالدوام بسبب الديزاينرز :S

لست السنة اللي طافت والشغلات اللي المفروض إني كنت مسويتها:

1. يوصل وزني لي الـ 50  للأسف ما وصل :(
2. أعدل اللغات اللي عندي، ما أقط بدليات كلش.. وعقب ابلش ادرس اللغة الخامسة. اللغة الرابعه ما عدلتها عشان اتعلم الخامسة :(
3. أقعد الصبح امبجر وما أتأخر على الدوام. Done بس ساعات شوي أتأخر
4. أغير وظيفتي وأروح على شي أعلى يعني مديرة تسويق وعلاقات عامة مثلا P; تقريبا Done بس يبيلي بعد شوي
5. أفكر عدل قبل لا أقرر مممم تقريباً Done
6. وايد أكل... بخليها على لستة 2013

الأشياء اللي لازم اسويها:

1. يزيد وزني وماراح أحدد رقم
2. وايد آكل

3. التعمق أكثر وأكثر ابمجال شغلي 

4. ما أتحلطم وايد

5. انتبه على شعري.. لأني وايد أصبغه :(

6. أسوي كونترول أكثر على وقتي.. خصوصاً انه حياتي عبارة عن دوام ونوم بسسس

وكل عام وانتم بخير!! :)