تمت دعوتنا من Posh Cafe لتجربة أطباقهم.. طبعاً كنت دوام ويومها اتفقت مع صديقاتي البلوقرز "الجميلات" إنه انتيمع وقت بريك الدوام عشان يمديني..
الصراحة كانت تجربة وايد حلوة.. وايد حبيت أكلهم عندهم وايد أشياء لذيذة، يعني أنصحكم فيه..
قعدة الكافيه حلوة.. خصوصاً بالنهار
أحب الأماكن اللي يدش عليها الشمس جذي 3>
شوربة المشروم.. حدها لذيذة أنصحكم فيها وبقوة :)
حتى السطات وايد اعجبتني
سلطة البطاط وسلطة السيزر وسلطة الذرة
Potato Casserole
Fritta Shrimps
انا ما احب وايد اكل الشرمب بره البيت.. بس هذا كان وايد حلو
بس مو متوفر في المنيو مالهم.. يابو لنا من Figs
Portabello Chips
عبارة عن شرائح من المشروم مقلية
انصحكم فيه وايد حلو
Calamari
ما ذقته.. ما اكل هذه المخلوقات الغريبة :P
الحين نوصل حق الـ main course أو نقدر نسميه عوار القلب..
Fillet Steak ستيك مع مشروم سوس.. لذيييذ
Zurichoise Veal
لحم عجل (شنو يعني لحم عجل) مع بطاط مشوي ومشروم سوس
هم أنصحكم فيه وايد حلو
Thai Green Curry
عبارة عن عيش أبيض ودياي مع افوكادو سوس
Burger Slider
أنواع السلايدرز المتوفره عندهم
وقت الجاي والقهوة..
أحلى شي بالموضوع كله..
كنت مستعيله حيل عشان ما بتأخر على الدوام.. وتقريباً طول الوقت كنت أحاتي الدوام خصوصاً عقب ما مديري دز لي مسج أنا وين.. تقريباً قلبت لهم الطلعة كلها تحلطم.. يالله ويالله بمشي.. تأخرت
أخر شي لقيت في مفاجأة واااااااايد حلوة.. احتفال بعيد ميلادي :D
أحلى بلوقرز.. ونستوني وااااااااااااايد.. فعلاً كانت مفاجأة تينن
عسى الله لا يفرقنا Love u girls :***
ثانكيو Posh cafe على المفاجأة الحلوة
Posh Cafe Located at 360 mall
Tel: 25309600
Instagram : @poshcafe
