علاقتي مع المطبخ مو قوية وايد لأنه كل شي أسويه يطلع مو حلوو أو شكله مادري اشلون أو ناسية أحط شي من المقادير يعني بالنهاية لازم يصير في شي غلط بالموضوع..
لقيت طريقة صنع الـ Rainbow Cake في lemo blog حده يشوق وخصوصاً حق اليهال بس على قولت أمي كله ألوان صناعية :S
المهم رحت مركز سلطان أدور الألوان.. لقيتهم :) وحزتها قمت أفكر اخذ بس الألوان الأساسية (أحمر، أصفر، أزرق) وأطلع منهم باجي الألوان نفس المدرسة لما كنا نطلع الألوان بحصص الرسم ;)
وبعدين سويت ألوان الـ Rainbow السبعة بس مادري ليش بالصور مو واضح اللون البنفسجي عدل.. طالع رمادري !! وعلى ماخلصنا الألوان أصابعي كلها تلونت وأنا قاعدة أبطل الألوان...
وعقبها حطيت الكيك (الألوان السبعة) بالفرن عشان ينطبخون.. بس قبلها جربت على اللون الأصفر وللأسف احترقت :( عشان جذي ناقص اللون الأصفر بالكيك... حطيت كريمة بين الطبقات وغطيتها كلها والأطراف حطيت ألوان بالكريمة يعني بسوي حركة ;)
رسمت Rainbow فوق الكيكة بس طلع عوي شوي وجنة اختي لصغيره راسمته بس عادي لوول وآخر شي كتبت عليها اسم مدونتي العزيزة :)
لي اهني كنت وايد مستانسة ومتحمسة بس للأسف لما قصينا الكيكة لقيت الكريمة اللي بين الطبقات (الألوان) اختفت :( بس الحمدلله مشى الحااال :)
صج تذكرت إنه نوع الكيك اللي لازم نستخدمه الكيك الأبيض.. يعني شنو مادري بس انه كيك أبيض ينباع بالجمعيات :)
المرة اليايه بسوي Rainbow Cake بس على Cupcake :)
السلام عليكم و رحمه الله و بركاته
ReplyDeleteما شاء الله تبارك الرحمن
شكلها عجييب
جنها جاهزه مو شغل بيت، تسلم ايدج
انا من زمان ودي اجرب اسويها، بس ماحب استخدم اصباغ صناعيه
انزين ما عليج امر قولي لنا كريمة الفروستنق شلون سويتيها؟ ولا جاهزة مالت بتي كروكر؟
يعطيج العافيه
وعليكم السلام
ReplyDeleteثانكيوو الله يسلمج.. شوفي الصراحه انا مو ذاك الزود بالطبخ.. بس الكريمة اللي استخدمتها اهيه الكريمة العاديه دريم ويب سويتها وحطيت معاها ألوان وحطيتهم عالكيكه بس حسافه ما صورت عشان أحطهم
والله يعافييج :)
والله شكلها يشوق لكن هل حلوه ولا بس شكل :P
ReplyDeleteوتسلم ايدج
لووول لالا حلوة بس مو وايد :P
ReplyDeleteالله يسلمك