هذا البوست تقريباً حق اللي عندهم قطاوة..
للأسف الشديد أنه القطاوة حالياً ممنوع دخولها بيتنا منعاً باتاً بأوامر من السلطات العليا (أمي الله يحفظها) السبب إنه قطاوتنا أغلب الوقت يجابلون أمي.. يعني وين ما أمي تروح يلحقونها.. وقت الأكل يروحون لها، لما تقعد يقعدون يمها، إذا قامت يقومون يمشون وراها.. إذا دشت المطبخ يوقفون يطالعونها، اذا طالعت التلفزيون يطالعون التلفزيون معاها، لما بتنام حضراتهم حابين يدشون معاها الدار :$ هذي الأزمة حاولت إختي تحلها.. وتخليهم ينامون عندها بالليل.. والحمدلله المشكلة انحلت :)
بس المشكلة الأكبر.. إنه آخر فترة قطوتنا الجميلة "اللي ماقدرنا نحدد لها اسم معين مادري ليش" بلشت تسوي مشاكل بالبيت.. يعني تبي تاكل السمج :$ تحاول تحط ايدها بالحوض واطلعهم :$ تتناجر مع الطير واهجمت على بيته "بس للأمانه الطيراهو اللي بلش يتحرش ويغني والقطوه نايمه.. فجأة قامت من النوم اهجمت على بيته واعفست الدنيا وردت نامت.. اتوقع ردت فعل من إزعاج"..
المهم إنه وجود القطاوة بالبيت بلش يسبب أزمات في الفترة الأخيرة..
مجموعة من مستلزمات القطاوة حدها عجيييبة وموديرن ممكن تطلبونها أونلاين من اللنكات موجوده تحت لصور
No comments:
Post a Comment