حبيت مسج الحملة الإعلانية "نظم أكلك... تزين صحتك" الذي سيقام في الأفنيوز من الفترة 15 إلى 18 يناير 2013
لي زميلة في العمل دائماً ما تشتكي من وزنها الزائد، في البداية سألتها عن كمية الأكل الذي تأكله فكانت إجابتها أنها كميات طبيعية لكنها بدأت تقلل الكمية في الفترة الأخيرة لعدم مقدرتها على إنقاص وزنها..
وبعد محاولاتها التي باءت بالفشل قررت الذهاب لطبيب متخصص لعمل فحوصات ما إن كانت تعاني من شيء (يخلليها ماتضعف) لكن دون جدوى..
الصدمة الأولى!!! راح أكتب بالعامي مو بالفصحى عشان الصدمات :S
كان عندنا مناسبة في الدوام ويومها طلبنا بوفيه حق الغدا، اللي خلاني انصدم منها اشلون ما تبين تمتنين وانتي أكلتي الخضر واليابس؟!! عليها بالعافية بس مايصير وحده تقول انا ما أبي أمتن وما شااااااء الله تاكل كل هذا.. اشلون ماراح تمتنين؟؟؟
المهم بيني وبين نفسي قلت عادي يمكن كانت يوعانة ونست الرجيم...
الصدمة الثانية!!!
بعد فترة يتني قالت انها حدها يوعانه وابتطلب "فطاير" ريوق واسألتني إذا كنت حابة أطلب معاها.. ماقصرت طلبنا مع بعض وأكلنا :)
إطلبت فطيرة جبن، فطيرة لحم وفطيرة سبانخ.. عليها بالعافية عاااااادي لبنية يوعانه و مو متريقه وتبي تاكل وتتغذي...
بس لما تيي وتقوللي هذي تصبيرة يوع لي وقت الغدا، بعد هذا حجي ثاني!! اشلون يعني تصبيرة غدا؟!!
الصدمة الثالثة!!!
مرة يت تسألني إذا عندي رقم مطعم ييب دياي شوي.. لأنها يوعانه وتبي تطلب،، صدمتني لما قالتلي إنها تبي تاكل دياية كاملة... عليهااا بالعااااااافيه... بس أكيد راح تمتنين
مشكلتها إنها مو قادرة تسوي كونترول على أكلها وكمية الأكل اللي تاكلة ومو مقتنعه إنه لازم تقلل عشان لا تمتن!!
No comments:
Post a Comment