الكويت تدخل موسوعة غينيس بأضخم ألعاب نارية في العالم

10.11.2012 صادف الذكرى الـ 50 للمصادقة على الدستور الكويتي.. ولهذه المناسبة تم تنظيم أكبر احتفالية في العالم دخلت من خلالها الكويت موسوعة Guinness للأرقام القياسية، حيث كان عدد الألعاب النارية التي تم إطلاق 77,282 بتكلفة  4 ملايين دينار كويتي

تفادياً للزحمة وعشان نشوف لنا مكان زين.. طلعنا من البيت الساعة 1:30 الظهر.. صفطنا بعيد شوي ومشينا لي الابراج.. كان في باصات توصل الناس لمكان الحدث بس قلنا خل نمشي :)

قاعدين ومتزهبين حق الاحتفالية..

وقت الصلاة.. تقبل الله طاعتكم

مكتب المعلومات يعطيهم العافية

 الشي الوحيد اللي قدرت اعرفه منهم اهو متى راح اتبلش الألعاب النارية :S أما برامج الحفلة قالوا إنها مفاجأة

الشرطة في خدمة الشعب ;)

الكل جاهز...

تلفزيون الكويت :)

الساعه 2.30 ماشالله الناس يايه امبجر 

المكان تقريباً امفول وانا عبالي احنا يايين امبجر لول

كنت قاعده أصور ابموبايلي عشان أنزل لصور عالانستقرام.. بس للأسف مافي سيرفس كلللللش :(

كان في العديد من الأنشطة والفعاليات غير الألعاب النارية

وااااو

بلشت عروض الطيارات الورقية

عروض الطيارات 

كنت ناسية العدسة اللي اقدر فيها أزوم :( 

ولد خالي ماقصر.. صج صج وصل بالوقت الصح ;)

كان المفروض عروض الألعاب النارية تبدي الساعه 7:00 بس صار في تأخير فبلشو الساعة 8:00

بلش العرض :)))

كان شي خيااااال!!

ولد خالتي صلوح الله يهداه راسه طالع بالصورة :S

طبعا وقت الصجية اصوري اللي صورتها ما تنفع :S 

هذي بعض الصور اللي صورها محمد كرم  (Instagram: moh_karam) حدها عجيبة ماشالله 

اللي ماراح العرض صج طاااافه!!